Luke 3
Di agoago John Babdais
(Matthew 3.1-12; Mark 1.1-8; John 1.19-28)
1Di madangaholu maa lima ngadau o Caesar Tiberrius nogo dagi, Pontius Pilate nogo gobinaa o Judea, gei Herod nogo dagi Galilee, dono duaahina go Philip nogo dagi Ituraea mo Trachonitis, Lysanias nogo dagi a Abilene, 2gei Annas mo Caiaphas nia dagi aamua hai mee dabu. Deenei di madagoaa nia helekai a God ne dau i John, go tama Zechariah, i lodo di anggowaa. 3Gei John ga hana laa lodo di guongo dela iai di monowai Jordan, ga agoago, “Huli gi daha mo godou haihai huaidu gei gi babdais, gei God ga dumaalia adu gi goodou i godou huaidu!” 4Gadoo be di mee dela gu hihi i lodo di beebaa a soukohp Isaiah,“Tangada e wolowolo i lodo di anggowaa, boloo, Haga aadee ina di ala o Tagi gi togomaalia, haga huudonu ina nia ala e hana iei mee. a 5Nia gowaa bogobogo la gi haawa gi honu, nia gonduu llauehe mono gonduu lligi la gi hagababa ina. Nia ala pigapiga la gi haga huudonu ina, gei nia ala dungadunga gi heia gi malallali. 6Nia daangada huogodoo ga gidee di Hagamouli a God!”
7Nia daangada dogologo ne loomoi gi John belee babdais. Gei mee ga helekai, “Goodou e hai be nia gihaa! Ma koai ne helekai bolo goodou e mee di llele gi daha mo di hagawelewele o God dela ga dau mai? b 8Heia nia mee ala e haga modongoohia bolo goodou gu huli gi daha mo godou huaidu, gei hudee daamada e helehelekai boloo, Tadau damana la go Abraham. Au e hagi adu gi goodou bolo God le e mee di huli nia hadugalaa aanei gi hai nia dama ni Abraham! c 9Talai gu togomaalia belee hele nia laagau ala hagalee hua humalia, e hele gi daha ga dudu.” d 10Nia daangada ga heeu gi John, “Gimaadou ga hai di madau aha?” 11Gei mee ga helekai, “Be koai hua e lua ono gahu, geia gi wanga ina di gahu e dahi gi tangada dela dono gahu ai. Koai ana meegai i golo, geia gi haga loholoho ngaadahi gi digau ala e hiigai.” 12Hunu gau hagabudu dagitedi gu loomoi belee babdais, ga heeu gi mee, “Tangada agoago, gimaadou e hai di madau aha?” e 13Mee ga helekai, “Hudee hagabudu mee laa hongo godou mee ala e donu belee hagabudu.” 14Hunu gau daua ga heeu gi mee, “Gei gimaadou e hai di madau aha?”
Mee ga helekai, “Hudee kaina nia bahihadu nia daangada, be e hagahuaidu tangada i di kai tilikai. Gi dohu hua gi godou hui donu.” 15Nia daangada gu iai nadau hagadagadagagee e hidihidi be John la go di Mesaia. 16Gei John ga helekai gi digaula huogodoo, “Au e babdais goodou gi nia wai, gei tangada dela koia e aamua i di au, le e hanimoi i golo. Au e dee tau loo bolo e wwede nia uga o nia suudi o maa. Mee ga babdais goodou gi di Hagataalunga Dabu mo di ahi. 17Mee dana daawolo hili lii, ga wanga nia lii palaawaa gi lodo di hale benebene mee, gei nia gili ga kili gi lodo di ahi e deemee di made.” 18Nia ala kai e logo ne hai go John i dono helekai hagamahi e haga modongoohia gi digaula di Longo Humalia. 19John nogo helekai hai baahi gi gobinaa Herod, i mee ne hai dono lodo gi Herodias, di lodo ni dono duaahina daane, gu hai labelaa ana mee huaidu e logo. f 20Gei Herod ga hai dana hai koia e huaidu, ga hudu a John gi lodo di hale galabudi.
Di babdais o Jesus
(Matthew 3.13-17; Mark 1.9-11)
21Muli hua nia daangada huogodoo ne babdais go John, gei Jesus gu babdais labelaa. Dono madagoaa nogo dalodalo, gei di langi gu mahuge, 22gei di Hagataalunga Dabu ga haneia gi hongo o mee, e dina gi di mwuroi. Gei di lee ga haneia i di langi, “Goe go dagu Dama donu hagalabagau. Au e manawa lamalia adu gi di goe.” gNia maadua mmaadua o Jesus
(Matthew 1.1-17)
23Di madagoaa Jesus ne daamada ana hegau, gei mee gu motolu ono ngadau. Nia daangada e hai bolo mee tama ni Joseph, go tama daane Heli, 24Heli go tama daane a Matthat, Matthat go tama daane Levi, Levi go tama daane a Melchi, Melchi go tama daane a Jannai, Jannai go tama daane a Joseph, 25Joseph go tama daane a Mattathias, Mattathias go tama daane a Amos, Amos go tama daane Nahum, Nahum go tama daane a Esli, Esli go tama daane a Naggai, 26Negai go tama daane a Maath, Maath go tama daane a Mattathias, Mattathias go tama daane a Semein, Semein go tama daane a Sosek, Sosek go tama daane a Soda, 27Soda go tama daane a Joanan, Joanan go tama daane a Rhesa, Rhesa go tama daane a Zerubbabel, Zerubbabel go tama daane a Shealtiel, Shealtiel go tama daane a Neri, 28Nirai go tama daane a Melchi, Melchi go tama daane a Addi, Addi go tama daane a Cosam, Cosam go tama daane a Elmadam, Elmadam go tama daane a Er, 29Er go tama daane a Joshua, Joshua go tama daane a Eliezer, Eliezer go tama daane a Jorim, Jorim go tama daane a Matthat, Matthat go tama daane a Levi, 30Levi go tama daane a Simeon, Simeon go tama daane a Judah, Judah go tama daane a Joseph, Joseph go tama daane a Jonam, Jonam go tama daane a Eliakim, 31Eliakim go tama daane a Melea, Melea go tama daane a Menna, Menna go tama daane a Mattatha, Mattatha go tama daane a Nathan, Nathan go tama daane a David, 32David go tama daane a Jesse, Jesse go tama daane a Obed, Obed go tama daane a Boaz, Boaz go tama daane a Salmon, Salmon go tama daane a Nahshon, 33Nahshon go tama daane a Amminadab, Amminadab go tama daane a Admin, Admin go tama daane a Arni, Arni go tama daane a Hezron, Hezron go tama daane a Perez, Perez go tama daane a Judah, 34Judah go tama daane a Jacob, Jacob go tama daane a Isaac, Isaac go tama daane a Abraham, Abraham go tama daane a Terah, Terah go tama daane a Nahor, 35Nahor go tama daane a Serug, Serug go tama daane a Reu, Reu go tama daane a Peleg, Peleg go tama daane a Eber, Eber go tama daane a Shelah, 36Shelah go tama daane a Cainan, Cainan go tama daane a Arphaxad, Arphaxad go tama daane a Shem, Shem go tama daane a Noah, Noah go tama daane a Lamech, 37Lamech go tama daane a Methuselah, Methuselah go tama daane a Enoch, Enoch go tama daane a Jared, Jared go tama daane a Maheilalial, Maheilalial go tama daane a Cainan, 38Cainan go tama daane a Enosh, Enosh go tama daane a Seth, Seth go tama daane a Adam, Adam go tama daane a God.
Copyright information for
KPG